COMEZO DAS PRÁCTICAS NON LABORAIS NOS PROGRAMAS FORMATIVOS BÁSICOS

O alumnado dos Programas Formativos Básicos con convenio entre as Consellerías de Emprego e Educación, xa levan dende o 8 de xaneiro no periodo de Prácticas non Laborais (PNL) que rematará o 22 de xuño.

Dos 30 alumnos seleccionados que iniciaron o curso no mes de outubro, 23 dos 2 cursos que se imparten nos IES de Catabois, son os que se incorporan ás prácticas. 

Estes alumnos realizan as prácticas en 2 empresas da comarca do sector da alimentación alimentación e comercio, Distribuciones Froiz e Alcampo

Un dos obxectivos deste Programa Formativo é a inserción laboral do alumnado. E neste sentido, dos 48 alumn@s que remataron o curso 2019-2020, 18 (37,5%) conseguiron un contrato de traballo.

A subcomisión técnica dos Programas Formativos básicos agradecemos a colaboración de todas as empresas que participan desinteresadamente na formación do noso alumnado. Especialmente este ano, o seu esforzo é doblemente considerado debido á situación sanitaria na que nos atopamos, o personal responsable da formación en ditas empresas está tendo a mesma implicación co alumnado 

TALLER DA FELICIDADE

 

 

 O 22 de decembro tivemos a sorte de participar nun Taller de Felicidade, impartido pola Doutora en Socioloxía e experta en recursos humanos, Raquel Pérez García, durante algo máis de tres horas estivemos aprendendo e compartindo experiencias. Foi unha boa despedida para o primeiro trimestre, no segundo trimestre esperamos seguir subindo pasos por esta escaleira que é APRENDER.

 

 Lista admitidos Industrias alimentarias

O luns ás 11:30 temos unha reunión no IES de Catabois para indicarvos que documentación tedes que presentar para a matrícula.

Lista de Admitidos Comercio 

O luns 21  ás 10 da maña temos unha reunión no IES de Catabois para  indicarvos que documentación fai falla para a matrícula .

FIN DE CURSO 2019/2020

Un curso máis acaba e moitos de vós fostes capaces de facelo con éxito, incluso de conseguir un posto de traballo. Foi un curso difícil, as condicións non foron as mellores, mais temos que felicitarvos polo ben que o fixestes.
Esperamos que o voso futuro siga coas mesmas boas expectativas.

PARABÉNS PARA TODAS E TODOS E MOITA SORTE!!!!

REMATE DA FASE DE FORMACIÓN EN CENTROS DE TRABALLO

Considerando o estado de alarma debido ao Covid-19 no que nos atopamos, e en función da normativa publicada con respecto ao desenvolvemento da FCT (Formación en Centros de Traballo) no curso 2019/2020 (Resolución do 5 de maio de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade a diversos acordos do Centro de Coordinación Operativa da situación de emerxencia sanitaria no territorio da Comunidade Autónoma de Galicia -Cecop-, do 5 de maio de 2020).

O alumnado dos PFB-AFD Comarca Ferrolterra iniciou en xaneiro a fase de FCT e foi cancelada o 12 de marzo polo estado de alarma. En función deste período de tempo, está cumplido o mínimo de horas establecidas na mencionada resolución.

Por todo isto COMUNICAMOS o remate da fase de FCT do curso 2019/2020 con data 13 de marzo de 2020.

Non tardaremos en volvernos a ver. Moito ánimo a todas e todos!!

PRESENTACIÓN OFICIAL DO CURSO E SINATURA DE CONVENIO

 O pasado venres 27 de setembro no Centro Cultural Torrente Ballester de Ferrol, realizouse o acto de presentación do curso 2019/2020.


 Ás 11,30h. asinouse o convenio de colaboración entre os institutos participantes e as empresas de formación, a saber:

Institutos:                        Empresas:
IES Canido                      Gestión Plus SLU
IES de Catabois              Limpiezas Limbes SL
IES Ferrol Vello              Distribuciones Froiz SA
IES Fernando Esquío      Rilo Maquinaria SL

 Este primeiro período de formación impartido por estas empresas nos seus centros de formación, é moi importante para afrontar e xaneiro a fase de prácticas en todo tipo de empresas da comarca.

 Ás 12h. levouse a cabo a inauguración oficial na que participaron, de esquerda a dereita na foto, a representante das empresas, Laura Vilar (Gestión Plus SLU), o alcalde do concello de Neda, Ángel Alvariño, a 2ª tenente de alcalde do concello de Ferrol, Mayte Deus, e o director do IES Fernando Esquío de Neda, Félix Massó, que fixo de condutor deste acto.

 Todos deron en resaltar a importancia destes programas na comarca que, cunha traxectoria de 18 anos, levaron a moitos rapaces e rapazas a insertarse no mundo laboral. Con este desexo para todas e todos...

... dámosvos a BENVIDA  ao CURSO 2019/2020!!!!!