RESUMO DO PRIMEIRO TRIMESTRE
Este curso os programas formativos básicos os forman dúas especialidades a de Industrias alimentarias e Almacén como nova especialidade.
Dimos o comezo de curso o día 6 de outubro do 2022 con 29 alumnos/as, tal vez, 29 ilusións das que foron medrando 21 e as outras 8 decidiron variar o seu camiño.
A especialidade de Almacén desenvolveu os módulos profesionais na empresa Rilo Maquinaria e a súa docente foi Rosa Díaz Fernández. O alumnado manexou as carretillas e desenvolveu o módulo de prevención de riscos laborais tan importante para o seu futuro laboral.
Esta maneira de aprender proporciona experiencia, é dicir, evita a "falla de experiencia á que calqueira xoven se enfrenta no seu primeiro emprego e que á súa vez causa discriminación por idade, mellora no alumnado, non so os seus coñecementos técnicos do oficio, senon tamén a súa empregabilidade, as súas competencias profesionais para acceder a un emprego. Así o explica o Artigo do xornal ¨La voz de Galicia" do 5 de decembro de 2022: Formación laboral y "ruptura de tabúes" en el grupo JRilo
A partir de xaneiro do 2023 e ate o 16 de xuño o alumnado da especialidade de Almacén pasará fase de prácticas non laborais noutras empresas da comarca como son Bidafarma, Mercartabria, Alcampo, Agroflor, Reciclaje de inertes del Noroeste, para continuar coa súa formación nos distintos perfís profesionais onde se levan a cabo actividades de almacenaxe.
Para facilitar que o alumnado vexa a proxección da súa formación levamos a cabo dúas actividades moi interesantes. Unha foi a visita ao centro de traballo de Bidafarma S. Coop.And en Narón (foto esquerda) na que da man de César Díaz director do centro de traballo nos presentou a actividade da empresa Bidafarma e logo nos ensinou as súas instalacións para poder visualizar o desenvolvemento do perfil profesional nun almacén. Outra actividade foi a visita ao IES de Catabois da ex-alumna dos programas no ano 2016-17 Laura Muíño Vale (foto dereita) explicándonos como foi o seu paso polos mesmos e o resultado que deron para ela, Laura quedou contratada na empresa Bidafarma despois da realización das prácticas do curso de Actividades auxiliares de almacén
Tamén na formación dos módulos comúns que se desenvolve para as dúas especialidades no IES de Catabois se fixeron actividades que complementan a forrmación integral do alumnado, actividades relacionadas coa igualdade de oportunidades para homes e mulleres e a saúde, neste caso coa nutrición.
Concurso "Contos e historias de-contadas"
Almorzo saudable
E para rematar a entrega das esperadas notas do primeiro trimestre, que nos din ao profesorado e ao alumnado como ten que ser o seguinte paso na formación integral
